影片
更多
2013-06-20
1274 浏览
订了枱补祝父亲节，却吃出一肚火 早于半个月前订枱时讲明要大枱，因为有十二人，当时话尽量安排。去到俾左张中枱我，算，可能有人早过我book，但到食完发现有两张大枱成晚都无客....... 杯杯碟碟偏向污糟，有D重有饭粒黏住..... 订了<超值全包宴>，一分钱一分货，预左唔会太出色菜式出得好慢，廿分钟先上一个菜，要不断催上枱次序乱来，一开始先上翅..... 重要个传菜阿姐原兜摆低就走左，要我地向经理反问系咪要自己落手先揾人嚟 跟住系重点三斤龙虾伊面，味道唔差的，但份量，我敢讲，壳就有三斤，中间的肉极少，实扣起左，得返D头头尾尾... 最过份系蜜豆虾球炒珊瑚，一摆低，全枱哇一声，因为虾球同珊瑚蚌少得过份，一人都无一只，我问个女经理会唔会少左D，佢重发我脾气话:「阿生，我地全部都秤过重量先上枱!」大佬!你秤既系蜜豆咋下话?蜜豆系好多，但无理由虾球同珊瑚蚌得咁少 清蒸原条大青斑，理所当然是死鱼，但又系太细条，平均每人都分唔到一匙既份量 鲜菌浸时蔬竟然系甜品之后先上..... 好，弹完，讲返D值的赞既地方芝士龙皇卷当然无海鲜，但味道还可以鲍汁荷叶饭有D过左火，㶶
早于半个月前订枱时讲明要大枱，因为有十二人，当时话尽量安排。去到俾左张中枱我，算，可能有人早过我book，但到食完发现有两张大枱成晚都无客.......
杯杯碟碟偏向污糟，有D重有饭粒黏住.....
订了<超值全包宴>，一分钱一分货，预左唔会太出色
菜式出得好慢，廿分钟先上一个菜，要不断催
上枱次序乱来，一开始先上翅.....
重要个传菜阿姐原兜摆低就走左，要我地向经理反问系咪要自己落手先揾人嚟
跟住系重点三斤龙虾伊面，味道唔差的，但份量，我敢讲，壳就有三斤，中间的肉极少，实扣起左，得返D头头尾尾...
最过份系蜜豆虾球炒珊瑚，一摆低，全枱哇一声，因为虾球同珊瑚蚌少得过份，一人都无一只，我问个女经理会唔会少左D，佢重发我脾气话:「阿生，我地全部都秤过重量先上枱!」
大佬!你秤既系蜜豆咋下话?蜜豆系好多，但无理由虾球同珊瑚蚌得咁少
清蒸原条大青斑，理所当然是死鱼，但又系太细条，平均每人都分唔到一匙既份量
鲜菌浸时蔬竟然系甜品之后先上.....
好，弹完，讲返D值的赞既地方
芝士龙皇卷当然无海鲜，但味道还可以
鲍汁荷叶饭有D过左火，㶶㶶地，但都算香口
蒜茸粉丝蒸元贝、海港酱烧鸡及香芒糯米兹依然系出色之选
帮衬左三年，睇住佢由最初觉得好好食同抵食，变到今时今日咁，我决定以后都唔再帮衬!!!
张贴