兩草 (銅鑼灣道) (已結業)

由大坑旧舖食到去新舖，一路都有支持，食物嘅质素保持到，依然价廉物美。可能因为疫情关系早前店舖没有开门。 今日经过见佢有开于是立刻帮衬。可以话系招牌菜嘅㶶边蛋肉饼饭，依旧有水准，绝对值得一试。咖央多，之前做得比较出色，今日食有啲失水准。面包烘得唔够干身，一食落口啲咖央同牛油多得滞比例错咗，而且冇咗浸椰香味唔知系咪转咗牌子。见到菜单有个新嘅肉骨茶米粉，一试就出事喇，完全冇肉骨茶味，又唔够汤，好似滚水渌米粉一样淡而无味，于是叫佢畀多啲汤，佢嘅回答系今次畀你下次就冇㗎喇！Ok唔紧要，下次我肯定唔会叫呢样。总括嚟讲食物质素旧有菜式系保持到嘅， 新菜式都系唔好嗌喇中晒伏，另外员工嘅 服务质素都好重要，希望老板多加留意。