Outback Steakhouse (黃埔天地) (已結業)

今日透过网上点餐自取外卖，响黄埔分店点咗六样食物，其中一样系烤带子烟肉白汁烩饭，D饭生米，咬落D饭粒起沙，超难食，食咗入口都要吐番出嚟，完全食唔落肚。另外有两份烧肉酱味猪肋骨，D肉好大阵雪味，肉又霉烂，好似将煲完汤嘅骨焗番香口比客人食，完全唔掂。六样食物，其中三样品质差劣，价钱都唔平，明明开心嘅饭聚，搅到大家都食得唔开心。之前经常都帮衬堂食和外卖，食物都OK嘅，但今次真系超级差，短期内都一定唔会再回头帮衬，希望管理层可以有效改善和监管食物质数，不再有同类事情发生。