彤福軒

营业中

休息中

爸妈生日难得出城梗系要食好西，拣咗Rosewood嘅彤福轩，坐低直接拣咗点心套餐唔使烦，最紧要阿爸阿妈食得开心。先嚟个小型点心拼盘，入面有松茸辽参烧卖、彤福拆鱼饺同咸柠檬星斑饺，三个点心造型同味道都一百分，我自己最钟意拆鱼饺，师傅用新鲜桂花鱼拆肉做嘅，入面好多鱼肉好新鲜，另外佢个鸡泡鱼造型都好靓好得意。第二度菜彤福生拆鲜鱼羹，热辣辣上枱真系好正，除咗啲鱼肉好新鲜之外，佢啲果皮都好香。跟住就食芋蓉香酥鸭，件香酥鸭系先拆肉再做芋蓉酥皮去炸，另外红色𠮶两粒墨西哥辣椒仔都好好食，唔辣但系好香辣椒味。第四度小黄菇菊芋烩菠菜苗，菠菜苗好嫩好新鲜，菊芋原来即系雅支竹，口感同味道似鲜淮山加栗子加白果嘅混合体，好味。最后一味系上汤鲜虾鱼皮角，三条鱼仔喺个碗度游吓游吓咁真系好精致，鱼皮国嘅皮好薄，所以食落去少少皮啖啖肉感觉好好。因为系阿爸阿妈生日所以我哋将个甜品加钱upgrade做甜品拼盘，影埋幅靓相就大功告成。