東京站日式小食餐廳 (已結業)

行经荃湾𠮶头见肚饿，咁啱见到男友大爱嘅章鱼小丸子同望落几好食嘅朱古力豆沙饼😆，一于各嗌一份啦。嗌完唔洗1分钟，店员已经pack好啲野食俾我地。虽然唔系即叫即整，但啲野食都热到辣口😯。先讲小丸子先，大爱章鱼小丸子嘅男友表示味道正正常常，冇乜特别之处🤔。我自己就觉得啲小丸子太过淋，夹都夹唔起，太易散开晒😕。食食下仲发现食到成手都系汁，因为个盒个设计太衰，啲汁系侧边缝隙漏出黎👎🏿。到朱古力豆沙饼喇，$6嘅价钱食到呢种水准嘅豆沙饼都认真唔错😁。一咬落去都食到朱古力味，但略嫌唔够浓味。对于唔太好豆沙味嘅我黎讲，呢个豆沙饼冇乜豆沙味，几啱我口味，但对于钟意豆沙味嘅朋友黎讲，就应该相当失色喇🤔。有机会经过下又口痕可能会再食，特登去试就不了👋🏼。