泉章居

营业中

休息中

寻日新年第一日开工，同一大班同事嚟食lunch，今次系我地第一次嚟。我地一围枱，叫左小菜同埋几个白饭。食物质素好一般，鸡好味，但其他小菜太咸，唔算好差但绝对唔讲得上好。我地落单后二十分钟，叫左嘅小菜都嚟晒，但几碗白饭仍然未到。我第一次问待应阿姐，阿姐都几好人话会帮我跟，但阿姐太忙上完菜执完枱后转头唔记得咗。再过十分钟，我又问另一个待应阿叔，阿叔问完我几多个白饭就走咗。又再过十分钟，我地枱面嘅𩠌都食得七七八八，果几碗白饭都仲未到，揾到个经理问。我问经理白饭都只系装出嚟，点解叫左40分钟都未到。经理串我：「唉呀无办法啦，我地d伙记好忙㗎，要忙住同客倾偈，无人得闲帮你地装饭，无办法啦」我都知新年好旺好忙，我地无俾利是服务系差D，但都唔系咁样同个客讲，摆明唔俾利是就连白饭都唔俾你，真系唔怪得过年期间附近所有酒楼都full晒但佢仲有位。