牛舞日本燒肉‧涮涮鍋放題

营业中

休息中

先讲个自助柜，入面得几棵菜同埋十款唔够既配菜，睇落就唔系非常新鲜，除左菜，我地一样野都无拎过。之后就系QR落单，可能系因为选择左最便个套餐既关系？可选既种类都系唔多，最癫既系落单所选既1唔系1份 系1件，点1就上1片牛肉，真系好搞笑，第一次上一块牛肉个下，唔知以为我食紧咩 A5和牛。总之就系食物质素停留系十年前，早知食大赢喜仲好。仲有一样野好重要，虽然用餐时间过左小小，但枱上面仲有食物未食完，我地唔想浪费食物，想食晒先离开，但期间几名店员，不断驶用眼神压力意图驱赶我地，我地都唔系咁厚面皮既人，食剩左啲食物，就要急切咁离开。题外话，朋友见我生日，原来买左蛋糕，咁20$切饼费好合理，我地非常愿意比，点知话过左用餐时餐，加钱先比切，um，如果门口排晒长龙，我地会选择唔切，但系出门一枱客都无，都咁唔人性化，坚持要收额外附加费先比切蛋糕，我觉得香港饮食业做唔住，系有绝对既因素，失望既留港消费体验。