珍意泰國菜館 (已結業)

今日陪朋友去筲箕湾处理一啲事情，之后去左筲箕湾东大街揾嘢食。由于我哋5:30pm就去揾嘢食,有好多餐厅仲未开门，于是我哋揾咗一间泰国餐厅。我哋叫咗无骨猪手，泰式炒金边粉，大虾冬阴公，炸虾饼。无骨猪手卤得好入味，而且好淋；泰式炒金边粉酸酸地，几开胃；冬阴公同平时饮嘅有少少唔同，好杰身，好浓，只虾都几新鲜弹牙，不过饮到尾有好多辣椒籽；炸虾饼同平时都系有少少唔同，平时食嘅会比较扁身，哩个比较厚身，但味道差不多。两个人最后都食唔晒，需要打包。