南記

营业中

休息中

平日间中都会黎哩度，今日同成家人一齐黎，我哋食咗好多款菜式。带子虾球炒菜，咸蛋虾仁，肉碎炒通菜，烧腩仔，蚝仔粥同埋姜葱蒸红鱼。整体上，食物质素普通。先讲带子虾球炒菜同咸蛋虾仁。带子同虾球个质感都唔够弹牙，无乜鲜味，带子带雪藏味。咸蛋虾仁有阵怪味，屋企人觉得系有阵碗布嘅臭宿味，靠咸蛋嘅香味都难以遮盖。肉碎炒通菜都算系普通啦，味道一般，冇特别嘅惊喜。蚝仔粥都系一般，蚝仔鲜甜，粥底稀薄，同埋啲蚝仔有啲细，有啲可惜。烧腩仔就真系好食，好脆同埋好肥美！至于姜葱蒸红鱼，个鱼肉鲜嫩，姜葱豉油起初俾得好少，我哋要求佢俾多啲，整体嚟讲冇咩特别嘅特色，有啲普通。今日个餐厅真系好满座，座无虚席。如果你想食烧鹅，最好系提前预约。不过，整体嚟讲，呢间餐厅嘅价钱偏贵，大部分野都唔好食/普通。另外一个缺点系服务员嘅工作量好大，佢哋好忙碌，可能会有啲等待时间。如果你想食得快啲，可能要有啲耐性等待。总括而言，食物质素一般，烧腩仔系我最推荐嘅菜式。不过，如果你追求平价啲嘅选择，可能要考虑其他餐厅。