The Promenade餐廳

营业中

休息中

近呢两年都去过呢间食四次，头三次嘅感觉都唔错，只系其中一次的长脚蟹唔新鲜。今日食呢次最失望，佢有两只长脚蟹，一只系雪花蟹脚，一直是松叶蟹脚，雪花蟹脚都尚算鲜甜，但一出就俾人抢晒，而松叶蟹脚唔太新鲜，D肉散散地，蟹脚亦都好细只，职员多数refill松叶蟹脚，好难攞到雪花蟹脚。刺身方面有五种，牡丹虾最好，好大只亦都几新鲜，不过其中一个屋企人亦都食咗一只唔新鲜，返到屋企即日屙咗三次。三文鱼不过不失，八爪鱼还可以。呢度唯一可取就系有苹果汁任饮。另外仲有即开生蚝，今次个职员好似未开过生蚝咁，成日开极开唔到，开得好慢，啲生蚝好细只好瘦，不过都算有海水味同埋新鲜嘅。热荤方面菜色一般，款式普通之余味道都一般。呢间唯一系长者有特价，以成人嘅价钱其实同合和自助山差唔多，上星期啱啱食完自助山，比呢度优胜一段。屋企人食完之后都冇乜兴趣再回头，希望餐厅注意下食物质素，如果能够提升都应该可以挽回客人。