同撈同煲

营业中

休息中

早一个月bk定位，我哋一行4人1830到，未多人，坐卡位，阔落舒服嘅，拣紧嘢食期间有个小肥哥哥攞碗筷过嚟，咁我下意识谂住自己洗啦，点知哥哥话等佢嚟，又几好服务㖞，喺块胶paper holder面圈好食物，隔左一阵个老细埋嚟推刺身餐同海鲜餐，大约原价减几百咁，fb like完就可以优惠价，好直接话呢排少左好多like叫我哋帮帮手，唔系求，系有少少怨气feel𠮶种，叫完刺身+海鲜餐like埋，大约15分钟后就上刺身，之后老细话冇同我哋落火锅料，想我哋食左刺身先，因为都大盘怕冇位摆，its ok，到食完刺身再攞块板过嚟问我哋圈嘅火锅料有冇嘢改，冇就落单，又等15-20分钟先开始有嘢上，食物其实唔错，不过我想讲嘅系服务，我想落单或揾人帮手收嘢，举几次手都冇人，几个侍应都好忙，理解嘅，老板又揼低头笃电话，想落单都冇瘾，5⭐为满分环境：⭐⭐⭐⭐⭐食物：⭐⭐⭐⭐⭐服务：⭐⭐重点系老细本身有怨气，意兴阑珊𠮶种，生意唔好所以咁都好理解，但老板都应该不时望下个场啲客有咩需要就叫伙记埋枱serve而唔系同太子女都喺度笃电话，呢个就真系不能接受，食物质素的确唔错但都冇用，已经唔会回头。