火鍋館

营业中

休息中

今晚同朋友特登上网，揾到呢间打边边。朋友唔食肉，所以谂住试佢既鲜鱼汤，我地点𩠌时都有同职员讲唔食肉。点左菜之后等呀等，等左成半个钟都未上任何一样。第一次催，职员无帮我地跟，只系好有礼貌咁同我地讲话黎紧架黎紧架啦，到第二次问，职员话我地叫果个炖鸡汤要耐点(我地唔系叫炖鸡汤)，跟住先帮我地跟。一阵黎左之后，先发现鱼汤底有肉~再问店员，店员话无架㖞，要我地再掀开盖再检查，先发现真系有肉。个感觉麻麻地。之后老细都愿意帮我地煮过个鱼汤，呢个值得一赞，但煮完出黎既鱼汤真系完全无味，有点可惜。食物方面，我地点了菜，虾丸，鱼面，脆鲩鱼片同腐竹，两个女仔都食唔晒。虾丸好弹牙，鱼面都超正，个人觉得系必叫之列。鱼片都非常新鲜，食物质素高。但可能始终觉得汤底系打边边既灵魂，所以失望喔。