一家

营业中

休息中

一家 (筲箕湾)📍筲箕湾筲箕湾道393号形荟地下G04号舖-一家系区内少有打卡同品质兼备嘅中菜馆！菜式多元化，有上海菜又有川菜，可谓中华「一家」亲！-店内有好几个特式角落，有唔同主题嘅座位，打卡就岩晒🤭一坐低店员就会为每枱送上一壶四宝茶，内里包含红枣圆肉杞子，唔洗急住饮，因为愈泡得耐味道就会愈出！-我地order左2 个主菜，1 个小食，2 杯特饮同1 个甜品👍🏻-👩‍🍳 辣椒皮蛋 呢个前菜属于下酒菜，酱油嫩豆腐上舖满皮蛋同香葱，鲜甜酱油加少少辣椒令到嫩滑豆腐更加味道丰富，绝对系开胃前菜！-👩‍🍳水煮牛肉 我最钟意嘅川菜式麻辣，非常惹味！配菜又多，有莲藕，薄切薯片，宽粉等。主角牛肉嫩滑软腍，就算放耐左都唔会因温度太高而过老！出色！-👩‍🍳白玉蒸虾球 虾肉放于透白蒸蛋白上，更于面头洒满蟹子粒，卖相优雅！虾肉大只又弹牙，蛋白显然配合高汤蒸煮，有余韵又滑嫩！清雅高质！-🍮高力芒果奶黄 高力豆沙就听得多，高力芒果奶黄真系第一次见！所以我地就算饱到捧住个肚都仲想试吓佢个甜品😆果然有意外惊喜，非常热辣辣，内里空气感好重，奶黄嘅吉士味道亦都好浓郁！完全系我钟意嘅口味，觉得比起传统高力豆沙冇咁甜之余，