Oldish (已結業)

之前网上经常见到Oldish 系打卡点，好多人都会在门外影相打卡，Oldish 门面又确系很有英式感，好啱影返张Style 相。今次系慕名而来，除咗想系附近影下相、行下，当然要食我最钟意食既 All Day Breakfast啦。当日去到得两枱客，但食物就需要等咗好耐，谂住系慢工出细货，等下冇所谓，反正唔赶时间。点咗我最钟意食既 All Day Breakfast先嚟咗碗周打蚬汤，汤味道麻麻，忌廉汤味唔浓偏淡。至于个Oldish All Day Breakfast 有炸薯饼、茄汁豆、磨菇、白肉肠、烟肉火腿等等但食得出食材质素一般，个磨菇有阵腥味，应该系唔太新鲜。炒蛋一般，唔太滑，而其他食材味道真系好一般，突然觉得行咗咁多楼梯、斜路上嚟食个味蕾得唔到满足。Oldish All Day Breakfast $158 实在好贵，跟餐加杯饮品 +$25之后仲要加一服务收费埋单要 $200食完真系觉得唔值！