影片
更多
2013-04-30
25 浏览
近日朋友圈讲起一寿司在铜锣湾广场开左以放题形式营业，名为一寿司料理，上网睇左价钱又唔贵所以都要去试一试先！可以 book 位之余又冇限时段，只系有两小时的时限，咁又真系弹性好多，想约朋友几点都得。虽然唔系 weekend 去但门口都有好多人等紧位，订左枱都要排队等攞枱同带你入去，好似真系好旺咁㖞……入面其实都几大，分左两边，但都座无虚席，见到枱枱都放得满满的刺身及其他食物，我哋都急不及待地要点嘢食，成场个气氛好热闹，有个位我觉得好好笑就系佢放左好多个气水柜出黎，好似7-11买嘢饮咁，原来系自助饮品柜，连茶水都系自助，重有个 Yogurt bar 都好吸引，自已转雪糕又有啲去左游乐场玩咁，好想出去玩吓！ 点菜方面都系用纸仔落单，一坐落好快就黎左个刺身并盘，不太多的份量就正好比我哋试一试啲刺身质素，食落都好新鲜肥美，厚薄切得啱啱好，我个人最欣赏就系个油金鱼同埋白玉豚，肉质鲜嫩弹牙的油金鱼真系我的至爱，甜美又醇厚的鱼香带住丝丝质感及冻冻哋的温度放入口中，真系食到停唔到！另外一个重点 order 就系白肉豚，唔系间间放题都有的白肉豚比起传统吞拿鱼响肉质上比较结实啲，味道亦较清一啲，加上佢雪白的
虽然唔系 weekend 去但门口都有好多人等紧位，订左枱都要排队等攞枱同带你入去，好似真系好旺咁㖞……入面其实都几大，分左两边，但都座无虚席，见到枱枱都放得满满的刺身及其他食物，我哋都急不及待地要点嘢食，成场个气氛好热闹，有个位我觉得好好笑就系佢放左好多个气水柜出黎，好似7-11买嘢饮咁，原来系自助饮品柜，连茶水都系自助，重有个 Yogurt bar 都好吸引，自已转雪糕又有啲去左游乐场玩咁，好想出去玩吓！
点菜方面都系用纸仔落单，一坐落好快就黎左个刺身并盘，不太多的份量就正好比我哋试一试啲刺身质素，食落都好新鲜肥美，厚薄切得啱啱好，我个人最欣赏就系个油金鱼同埋白玉豚，肉质鲜嫩弹牙的油金鱼真系我的至爱，甜美又醇厚的鱼香带住丝丝质感及冻冻哋的温度放入口中，真系食到停唔到！另外一个重点 order 就系白肉豚，唔系间间放题都有的白肉豚比起传统吞拿鱼响肉质上比较结实啲，味道亦较清一啲，加上佢雪白的外表真系好靓好想食。顺道一提系我哋 order 的每盘刺身都砌得好靓同埋有不同的颜色衬托，在观感上亦令大家睇落都开心，就好似每次黎的时候都会期待一下会砌成点样呢？嘻嘻！
食完刺身就要点番啲清清哋沙律中和下，手造豆腐沙律同芦荟蟹籽沙律都系不二之选，枝豆、螺肉、中华沙律、带子裙边同芝麻八爪鱼又系放题必叫，其他的唔洗多讲都系𠮶啲味道，但个手造豆腐沙律啲豆腐入口有好浓郁的豆味散发出黎，加埋个日式芝麻酱同野菜就真系好 green! 呢个亦系必食之选！寿司我哋都点左一啲，但就想不到同平时去一寿司食的水准一样，一啲都唔系求其整出黎，唯一不同的就系旧饭好似细啲，咁就正合我哋喇，可以食多几件，所以都忍唔住要再 order 一次卷物添！
差啲忘记左个烧物添，基本上全部都几好味，店员拎黎时都系好热辣辣的，完全没有一早烧好等你 order 的感觉，真正感觉到系即叫即烧，当中尤以盐烧鸡软骨、牛舌、秋刀鱼及烧菠萝我最喜爱，全部烧物的火喉啱啱好，咬落重有肉汁的 juicy 感觉，不太咸不太淡，盐的份量调得啱啱好，秋刀鱼的肉质一啲都唔硬又唔腥，基本上我哋都无需要用伴上的柠檬。加上个烧菠萝好香好甜又多汁，又一中和烧物的热气及油腻，再加上个 Yogurt 同一杯乌龙茶作为今晚的结尾。
下次可以再约多啲人一齐黎，咁就可以食多款啲食物！张贴
