青花亭 (已結業)

$68水清沙幼使乜坐飞机真心系几靓，用嚟打卡系一流！但其实蓝色𠮶啲系乳酪，原味乳酪冇咩特别，之于啲朝果都系正正常常。不过最令人估唔到嘅系啲新鲜生果，因为系雪过入冰格雪到硬硬地，好正！$128 鸡胸意大利饭鸡胸唔滑，我觉得如果换成鸡脾会好啲，最少会滑啲。个蕃茄酱系唔错，酸酸甜甜！但啲饭就麻麻地，有啲太淋唔似意大利饭应有嘅硬度。$128 露笋黑松露鲜蛋面蛋面好高质，软硬适中而并好香蛋味。露荀煎得啱啱好，够嫩但又唔过淋。好多黑松露同蘑菇，份量好足够。$58 黑松露薯条比我想像嘅份量多好多。有芝士碎铺面，份量唔少，值得一赞。黑松露都唔算少，但黑松露味唔重。薯条不过不失。唯一嘅缺点系个酱，因为个酱系最普通嘅沙律酱。酸酸地𠮶款，成件事好唔夹，唔好味。不过价钱系几平，因为好多餐厅嘅黑松露薯都讲紧$90起 。环境方面都属于中上。碗碟系有特色系几靓嘅。服务态度我觉得正正常常，因为我有见到有人话过青花亭嘅服务态度好差，但今日去又冇呢个感觉。