影片
更多
2017-12-09
2861 浏览
今年嚟食既目的系同朋友庆祝生日，由于朋友今次想食日式烧肉，就立即提议几年前食过既伊吕波。我地系网上买左团购，团购价钱有分55品同64品，我地就拣左55品个只，原价系298加一，团购就系268一位，去到再有30蚊服务费现场俾，计返既话就系平左服务费个三十蚊。环境方面，其实伊吕波既环境真系唔错，每一组人有独立一个有布遮住既Area，会有返私隐度，讲嘢唔怕俾隔离枱听到，而上菜既时候亦都好方便会放系中间，亦都有挂衫挂袋既钓系墙上面，枱面放食物既位置都好充足，唔会有唔够位放既情况出现。如果你人太多，系餐厅中间会有开放式既枱，系日式要除鞋坐上去个种。讲返食物选择方面，选择都算几多，牛既每个部分都好齐全，例如牛舌、牛脊、牛柳、牛排肉等，猪同鸡既选择就计返就会少左啲，得五花腩、猪颈肉、鸡脾肉同鸡翼，海鲜既选择都好满意，虾蚬呢啲都有，而小食沙津炸物汤都算齐全，另外都有包汽水。但系系食物质素方面就同以前既出入好大，食既肉都无乜味.. 真系讲唔上好食，除左蚬同牛舌以外，基本上要烧食物都可以话唔好食，，反而小食可以比较接受，芝士薯饼都唔错，不过正确嚟讲佢系芝士年榚先啱，豆腐沙津都算系唔错。有叫左一个蛋花汤，但
环境方面，其实伊吕波既环境真系唔错，每一组人有独立一个有布遮住既Area，会有返私隐度，讲嘢唔怕俾隔离枱听到，而上菜既时候亦都好方便会放系中间，亦都有挂衫挂袋既钓系墙上面，枱面放食物既位置都好充足，唔会有唔够位放既情况出现。如果你人太多，系餐厅中间会有开放式既枱，系日式要除鞋坐上去个种。
讲返食物选择方面，选择都算几多，牛既每个部分都好齐全，例如牛舌、牛脊、牛柳、牛排肉等，猪同鸡既选择就计返就会少左啲，得五花腩、猪颈肉、鸡脾肉同鸡翼，海鲜既选择都好满意，虾蚬呢啲都有，而小食沙津炸物汤都算齐全，另外都有包汽水。
但系系食物质素方面就同以前既出入好大，食既肉都无乜味.. 真系讲唔上好食，除左蚬同牛舌以外，基本上要烧食物都可以话唔好食，，反而小食可以比较接受，芝士薯饼都唔错，不过正确嚟讲佢系芝士年榚先啱，豆腐沙津都算系唔错。有叫左一个蛋花汤，但系饮落去饮唔到汤既味道，只系一碗有黑椒系入面既热水。
服务态度都唔太好，每次都挥左手好耐先叫到staff嚟都等左好耐时间，而佢哋嚟到之后好似等多一等都唔得，好急要离开，但系成间餐厅都只有几枱客人，未睇到佢哋要忙既地方。而Staff系一到时间完就赶你走，呢样真系令人觉得唔好算。
总括嚟讲，烧肉既话呢个价钱应该可以揾到更多好食同有更好服务态度既餐厅。
张贴
