一喜 (已結業)

中环街市 ，活化之后多咗好多唔同嘅小食肆 ，中西各国东南亚食品都有， 今日到访刚好系下午茶时间， 有啲肚饿所以想食饱肚啲嘅下午茶 ，拣咗呢一间一喜， 下午茶嘅选择算丰富，价钱四五十蚊至六七十蚊， 拣咗食神叉烧汤濑粉， 同吉列猪扒担担面， 碗叉烧汤濑真系唔错， 首先汤热赢咗三分， 饮落够味又唔觉得有味精，煎蛋有㶶边效果， 叉烧松软亦系㶶边， 份量亦不少，问佢攞咗自家制辣椒酱， 加咗落去汤又香又好食， 非常唔错。 担担面方面， 就略嫌汤底太浓味， 亦偏咸， 但面质爽滑， 吉列猪扒外脆内软， 算系整体都可以。