Greenhouse

营业中

休息中

炒芥兰苗拌西班牙火腿 $88 芥兰苗够嫩，食落竟然甜甜地，好似落左蜜糖炒。云雾芒果 $52 类似芒果沙冰，有落枫糖浆但饮落唔系好觉，面层有少少奶泡令卖相更好。菠萝火腿猪肉肠薄饼 $128 饼底够薄，边够脆，大力少少都掐碎，芝士香浓，菠萝有汁，猪肉肠咸咸地，加埋火腿洋葱等，口感味道都几丰富。芝士焗脆脆肉酱意粉 $138 面头铺满芝士碎但唔系好觉「脆脆」，但肉酱意粉系好食既。餐厅除左煮食区及水吧，仲有一个角落专做甜品，选择又多又吸引，今次试左朱古力脆脆梳乎厘 $128，好大个！面层少少酥脆，内里软棉棉，加埋朱古力酱有啲似食紧心太软。食物质素唔错，但服务态度有待改进，例如问都唔问或者唔讲声就收碟，我其实仲未食甜品你就收走只新碟系咩玩法？叫左侍应加水又无左件事同埋见到个侍应收蜡烛收到歪晒，倒泻水都完全唔知！另外温馨提示，餐厅虽然算是中档次，但我觉得自己身处Food Court，非常应声所以十分嘈吵。