影片
更多
2021-08-05
2591 浏览
一家人同我食餐生日饭，大佬Book咗呢间，食5:30 – 7:30时段，预订6人台嘅窗边位置。其实我就唔太钟意食餐晚饭要限时限刻，不过大佬Book台时冇了解清楚，而且被要求之下又落咗Deposit，咁费事取消又再揾地方，就照原定计划。当日我同大佬准时到达，餐厅唔太大，大概都有20多张台，当时计埋我哋只有两台客人。安排入坐时发现分开2张台，一张4人，另一张2人台，台质与之间离行离迾，仲有一张賿片相隔，一家人（当日只有5人出席）食得好疏离，而且因为大家share啲dish 嚟食嘅关系，下下都要离台行嚟行去交换食物，成餐饭嘅过程都几唔舒坦。𠮶日旺角大塞车，家人两位成员迟到，因为限时，所以唯有我发板叫咗以下食物:-1. 烧慢煮16小时辣猪助骨 – 猪助骨味道一贯，肉质有啲嚡。薯角配菜沙律普普通通。2. 意大利手卷意粉伴野菌、辣肉肠及巴马臣芝士 - 手卷意粉一条条，纽纽哋，口感烟烟韧韧，成碟粉都系靠辣肉肠带出味道，都几香浓野味。3. 煎慢煮美国顶级安格斯牛柳 – 是晚餐厅食牛扒唯一选择，Order Medium Rare，生熟度系完全达致要求。牛扒面煎出整齐格格，小小焦香，肉质有咬口得嚟都软淋冇
当日我同大佬准时到达，餐厅唔太大，大概都有20多张台，当时计埋我哋只有两台客人。安排入坐时发现分开2张台，一张4人，另一张2人台，台质与之间离行离迾，仲有一张賿片相隔，一家人（当日只有5人出席）食得好疏离，而且因为大家share啲dish 嚟食嘅关系，下下都要离台行嚟行去交换食物，成餐饭嘅过程都几唔舒坦。
𠮶日旺角大塞车，家人两位成员迟到，因为限时，所以唯有我发板叫咗以下食物:-
1. 烧慢煮16小时辣猪助骨 – 猪助骨味道一贯，肉质有啲嚡。薯角配菜沙律普普通通。
猪肋骨
43 浏览
2 赞好
0 留言
2. 意大利手卷意粉伴野菌、辣肉肠及巴马臣芝士 - 手卷意粉一条条，纽纽哋，口感烟烟韧韧，成碟粉都系靠辣肉肠带出味道，都几香浓野味。
手卷意粉
61 浏览
0 赞好
0 留言
3. 煎慢煮美国顶级安格斯牛柳 – 是晚餐厅食牛扒唯一选择，Order Medium Rare，生熟度系完全达致要求。牛扒面煎出整齐格格，小小焦香，肉质有咬口得嚟都软淋冇渣，调味适中，不过牛肉味略逊。伴碟薯蓉都好香滑，小露荀同蕃茄干都不逊色。
安格斯牛柳
42 浏览
0 赞好
0 留言
4.白汁野菌𩽾𩾌鱼脸颊 (个名唔太记得) – 白汁够香、浓、滑同稠度适中，鱼脸颊煎到金黄色，件件一口size，咬落去有意想不到嘅弹牙，配上啲白汁连野菌一啖入口，口感丰富。
𩽾𩾌鱼脸颊
44 浏览
0 赞好
0 留言
5. 慢煮黄油鸡髀沙律 (个名唔太记得) - 鸡脾表面煎到金黄香脆，内里肉质鲜嫩多汁，味道略嫌唔太突出，食唔出系黄油鸡。新鲜沙律菜配上橄榄油同蕃茄干都好清爽。
黄油鸡髀沙律
54 浏览
0 赞好
0 留言
6. 半打生蚝连两杯白酒set X2 – 白酒系一般House Wine，容易入口得嚟清新。佐酒生蚝口感一般，宜家嘅季节啲蚝都系偏瘦，而蚝本身甜味同海水味都欠奉。
生蚝
56 浏览
1 赞好
0 留言
生蚝+白酒
53 浏览
0 赞好
0 留言
7. 火焰朱古力球 – 用烧著咗嘅酒淋落个古力球，令古力溶喺球里面嘅云呢嗱雪糕，连伴碟士多啤梨一齐食，加上有酒香余韵，令呢餐写上完美句号。
火焰朱古力球
44 浏览
0 赞好
0 留言
火焰朱古力球
50 浏览
2 赞好
0 留言
另外都叫咗两杯Cocktail & 一杯 Mocktail – Passion Fruit Mojito, Classic Mojito & Karffir Lime Collin，饮品方面质素都唔差，不过每杯都需要等好耐，情况有漏单再加上制作过程效率慢，大概每杯order后平均需要20分钟左右后至会上到台，最好不时提提服务员，因为试过一杯饮品漏单两次。
59 浏览
0 赞好
0 留言
大概到7:00服务员已要求last order， 7:30准时过嚟埋单。离开嘅时候目测餐厅都系6成满左右，又唔见有其他客人等入坐，可能有晏啲booking 啩。不过其实当时本身我哋都想再叫啲饮品，不过餐厅又好似唔想你留底，怕我哋唔会冇消费坐喺度，同行亲人感觉唔太良好。其实食物同饮品质素都比预期好，餐厅环境都尚可，不过服务同其他配套好似略逊一筹。
张贴
