影片
更多
2024-01-16
813 浏览
好味指数😋😋😋😋回头指数 ⭐️⭐️⭐️⭐️开心指数🤗🤗🤗🤗朋友 gathering 谂住去围方，我未去过，朋友抛咗几间选择出嚟，大家最后决定试呢间西班牙餐厅。餐厅都几阔落，睇得出装修有落过心思，有几幅墙画，水吧嘅特色砖墙、座位 cushion 同埋灯饰都有配搭过，唯一觉得有少少搅笑嘅系门口零售 corner 放咗几只毛公仔，完全唔知点解？！🍴即焗香脆西班牙乳猪 1/2（$798）呢个都几大份，乳猪皮好香脆，亦腌到啱啱好，有咸香味又唔会觉得咸，就咁食都唔会太油腻，肉质易咬开够爽口，好味！🍴西班牙传统点心（$298）系九宫格 presentation，几精致。中间系西班牙冻汤、另外有西班牙小辣椒、伊比利亚火腿、 青橄榄配腌制蕃茄、炸鱿鱼圈、西班牙式薯仔蛋饼、伊比利亚火腿薯粒、西班牙手工脆包配芝士及薯仔粒，呢个啱晒想打卡同埋每样 Tapas 试少少嘅人，比较啱两个人 share。西班牙冻汤好滑，酸酸哋好 fresh！炸鱿鱼圈嘅炸皮唔太厚，青橄榄配腌制蕃茄好清新开胃，薯仔蛋饼略为硬咗少少，整体上唔错嘅～🍴香蒜辣椒大蚬（$140）如果唔食得辣嘅人可能会觉得辣，我觉得蒜味同辣味令到大蚬几惹味，蚬系中 si
回头指数 ⭐️⭐️⭐️⭐️
开心指数🤗🤗🤗🤗
朋友 gathering 谂住去围方，我未去过，朋友抛咗几间选择出嚟，大家最后决定试呢间西班牙餐厅。
餐厅都几阔落，睇得出装修有落过心思，有几幅墙画，水吧嘅特色砖墙、座位 cushion 同埋灯饰都有配搭过，唯一觉得有少少搅笑嘅系门口零售 corner 放咗几只毛公仔，完全唔知点解？！
🍴即焗香脆西班牙乳猪 1/2（$798）
呢个都几大份，乳猪皮好香脆，亦腌到啱啱好，有咸香味又唔会觉得咸，就咁食都唔会太油腻，肉质易咬开够爽口，好味！
即焗香脆西班牙乳猪
$798
31 浏览
0 赞好
0 留言
🍴西班牙传统点心（$298）
系九宫格 presentation，几精致。中间系西班牙冻汤、另外有西班牙小辣椒、伊比利亚火腿、 青橄榄配腌制蕃茄、炸鱿鱼圈、西班牙式薯仔蛋饼、伊比利亚火腿薯粒、西班牙手工脆包配芝士及薯仔粒，呢个啱晒想打卡同埋每样 Tapas 试少少嘅人，比较啱两个人 share。西班牙冻汤好滑，酸酸哋好 fresh！炸鱿鱼圈嘅炸皮唔太厚，青橄榄配腌制蕃茄好清新开胃，薯仔蛋饼略为硬咗少少，整体上唔错嘅～
西班牙传统点心
$298
36 浏览
0 赞好
0 留言
🍴香蒜辣椒大蚬（$140）
如果唔食得辣嘅人可能会觉得辣，我觉得蒜味同辣味令到大蚬几惹味，蚬系中 size，蚬肉唔算太瘦，煮到啱啱好。
香蒜辣椒大蚬
$140
21 浏览
0 赞好
0 留言
🍴 松露面包糠烤羊架（$298）
羊架叫咗 medium，有两件，烤得唔错，肉质唔错，唔算太觉有松露味。
松露面包糠烤羊架
$298
18 浏览
0 赞好
0 留言
🍴 招牌西班牙海鲜炖饭 11"（$498）
话说，有朋友嚟食过一次，佢分享上次食过肉之盛宴西班牙炖饭，觉得唔好食，所以我哋今次叫海鲜。份量都几多，有4只大虾、鱿鱼，大蚬同青口系隔住排满成条边，因为之前嘅食物都好好食，见到咁嘅画面好难唔期待！点知一食落去，饭味有少少唔汤唔水，颜色够但冇咩 paella 风味，中间嘅饭有丁丁唔熟，鱿鱼同大蚬煮到过晒火好干，还好锅边系有少少饭焦，大虾够新鲜，整体上唔算好食，如果总结朋友同自身体验，呢个炖饭可能要改善吓，如果叫做招牌菜呢... 就真系有D 搅笑～
招牌西班牙海鲜炖饭
$498
15 浏览
0 赞好
0 留言
🍴Dancing Sangria（$168/Jar）
呢款系 red wine base 嘅 Sangria，如果几个朋友唔系饮太多酒，叫呢个share 系好选择。店员有问我哋要几多只杯，然而，原来唔单止系俾只杯我哋，每只杯都放有咗生果粒同冰，呢个安排系好细心同抵赞👍 Sangria 嘅果味同酒味调配得好好，好饮！4-6人饮每人至少有大半杯，仲可以添饮一D，份量好足！
Dancing Sangria
$168
10 浏览
0 赞好
0 留言
🍴 西班牙手工焦糖多士（$78）
本身有谂叫呢个定系西班牙油条呢？最后拣咗呢个！多士外脆内烟韧，有好香肉桂味，表面有少少沙糖，增加咗脆口感，配咖啡雪糕，系圆满一餐嘅好选择！
西班牙手工焦糖多士
$78
9 浏览
0 赞好
0 留言
整体上呢间餐厅嘅食物质素唔错，唯独佢嘅招牌西班牙炖饭唔系好掂！餐厅空间感十足，台与台之间唔会太密，坐得舒服！服务真心一流，例如 Sangria 嘅安排好贴心，所有服务员都好有礼貌仲面带笑容，感受到佢哋乐于服务客人嘅心同态度，令人好开心，会想回头再食！
张贴
