太興 (大本型)

营业中

休息中

陪媽咪參加中心活動後,齊齊去食晚飯,媽咪想去大本型行街順便食埋飯,我地揀左大本型的太興, 大本型的太興佔地都大, 可能我地早,所以唔駛等位了。 太與晚餐主要食小菜,但都有炒粉麵飯食。同媽咪叫左3個餸, 分別有 : 京都洋蔥豬扒, 粟米魚柳, 蒜蓉炒菜心(講明少蒜蓉),再加兩個白飯。京都洋蔥豬扒最好味係呢個, 豬扒好淋身, 個汁酸酸甜甜, 好好味 !粟米魚柳魚柳炸得好脆,但好厚炸粉, 普普通通。蒜蓉炒菜心講明少蒜蓉果然做到, 菜心當日好靚好甜, 加少少蒜蓉就足夠。太興不用加一,食物都做到不錯, 所以有不少人光顧。