四寶食堂 (華凱大廈)

营业中

休息中

夜晚约咗朋友食饭，于是就嚟到呢一间四宝食堂食晚饭。食物款式都几多，除咗有晚餐之外，都可以单点餐牌里面嘅食物，价钱合理。星加坡黑酱胡椒粉丝大虾煲一上枱就闻到好香胡椒味，虾大大只，新鲜爽口弹牙，粉丝够干身，软硬适中，索哂胡椒味道，味道浓郁。香煎纽西兰牛扒配嫩滑炒蛋及脆皮菠萝油牛扒煎得啱啱好，唔会过熟，肉质几腍，都有肉味，外层煎得几香口，另外配有蘑菇汁，令味道更丰富。炒蛋好嫩滑，重蛋味同牛油香。菠萝油系分开上，牛油冰镇住，菠萝包热辣辣，外皮脆卜卜，面包松软，夹埋厚切牛油，内冷外热嘅感觉好正。邪恶咸蛋奶黄流心西多士卖相都几邪恶，多士好厚，炸到金黄色，里面系咸蛋流心奶黄，奶黄味道突出，带有咸蛋黄嘅咸香， 咸甜咸甜既味道，好好食热奶茶奶茶好够热，奶同茶嘅比例恰到好处，奶味唔会盖过茶味，入口细滑，茶味香浓柠檬多多梳打卖相好靓，新鲜柠檬汁配上益力多同梳打，味道好夹，酸酸甜甜好开胃柚子气泡茶柚子味几出，甜度岩岩好，茶味浓，配搭得几好雪山红豆冰面头好大pat cream，口感软滑，红豆多而且饱满，起晒沙口感绵密，唔会好甜。配埋淡奶，好好饮。