申子居酒屋

营业中

休息中

想食好耐嘅一间日本居酒屋，店内座位舒适，氛围唔错几岩同朋友坐低饮返杯吹下水~海葡萄冰菜沙律 $148前菜拣咗自己第一次试嘅冰菜为主嘅沙律，食落好有新鲜感，冰爽嘅口感令人好开胃，简简单单咁配埋胡麻酱一齐食已经好好味。汁烧蒜片牛柳粒 $128牛柳粒熟度得啱啱好，口感偏软嫩，肉汁亦都好够，抵赞嘅系佢哋个特制酱汁，令整体味道提升好多。洋风鸡肉卷 $148呢道应该系餐厅自家创作嘅菜色，佢将牛蒡同红萝卜酿入鸡肉入面，外表望落去好似系鸡肉卷起嘅寿司卷咁。口感就突出一个层次丰富，同时间食到嫩鸡肉、清脆牛蒡同爽口红萝卜，味道亦系估唔到咁夹。舞茸豚肉卷 $68用舞茸多替咗金菇嘅角色，取而代之系更爽口嘅口感，味道香浓多汁，一啖一旧几过瘾。大葱黑豚烧 柚子 $58一啖大葱一啖猪，香口又惹味嘅一道串烧，食落仲有淡淡嘅柚子香甜味。火炙大虾赞岐手打乌冬 $168一人份量嘅手打乌冬，汤底铺满樱花虾后再加上一只火炙大虾。乌冬食落系都几弹牙，汤底非常浓郁，樱花虾亦增加咗整体嘅香味，大虾啖啖肉够惹味👍🏻。