小食糖 (已結業)

琴日同朋友入尖沙咀想揾间黄店食下，以前系观塘食过小时光体验唔错，今次见到类似嘅店都想试下，话哂商场入面嘅食店应该唔伏挂。同小时光唔同嘅，呢到要自己揾位坐再岀去叫野食，that’s fine，Ikea eurogogo 都系咁我同朋友叫左个牛肉面同炸鸡扒面加两杯冻珍珠奶茶，盛惠二百几蚊。叫完比左部机我地，整好就会振。大约 20 分钟后就整好攞餐，跟住我地开动了。点知......个牛肉面份量非常少，旧牛肉无弹性又冧，珍珠奶茶珍珠无弹性而且奶茶好淡，饮落去只系有少少奶茶味嘅水，基本除左个炸鸡扒味道正常外，都无咩原因值得赞。我同朋友最后失望咁食左个细面，帮佢摆返个盘就走，成间店无服务都算，食物低水准低质素，价钱又唔便，建议大家唔好食。