潮苑餐廳 (已結業)

呢间街坊茶记，系香港仔系街坊都识，唔系唔好食，只系质素好飘忽，遇到师傅心情好期实是正的，今日就比我屎忽撞棍食到好西。冻冻地，臀部痕痒，叫左个铁板食下，$78黎讲叫合理价，间间咁上下，有饭或意粉，中西餐汤加热饮，如果食物高质，性价比系高的，只可惜佢个底花花地，当买大细搏一搏。一上到黎，哗，中奖，今日好西黎！星期三晚上，收音机播住赛马，肯定师傅赢左马仔。大大件，摆到靓一靓，个底有好多配料，又蒜又洋葱，真系算系咁啦。今晚块扒到煎得靓过人，唔太生，唔过熟。餐汤同意粉属正常野，汁酱都系大众口味。总结：睇你好唔好彩，食平靓好西指日可待。