響 - Hibiki 日本燒肉 (已結業)

今次，两个人五点半准时就去到响，入座后先嚟一人半只龙虾，龙虾都好大只超多膏，而且食得出好新鲜一定有大酒店水准，跟住就有一盘刺身奉上，上面嘅海胆超美味，入口即溶好正，跟手亦都有一盘澳洲和牛上枱，都列明系牛嘅边一部分 ，另外亦都有豚肉、鸡肉、肉肠等等都列好系碟上面，呢碟烧卖质素非常高，和牛一烧肉汁就出，而且好有牛味，豚肉、鸡翼都好新鲜，特别要提鸡肉肠，我觉得好好味。之后我哋都点咗好多唔同嘅食物，有天妇罗系列 、串烧系列、沙律系列、海鲜系列都有，特别要提d虾，真系超大只同埋好弹牙，如果钟意食虾膏嘅朋友更加要试，每只虾烧过之后d膏热辣辣，正！- 饮品方面， 含酒精类同埋不含酒精类都有 ，而雪糕方面，有唔同嘅口味畀人拣，而且都系啲贵价雪糕牌子，今次食到超满足，而且位置方便，下次一定再嚟^^