吉壽日本料理 (已結業)

呢间吉寿放题真系唔错，值得同大家推介，食物质素好，招呼一流。我地帮衬星期日中午放题，因为有订枱所以去到唔使等。 讲食物之前真系要赞咗呢度啲侍应先，负责我𠮶区嘅待应个个都好有质素，态度好，有笑容，又够主动。比如有个见我哋食得慢，盘刺身啲冰开始溶，好好咁嚟提一提我哋要快少少食左盘刺身先，怕易变坏至于食物，一定要提佢个花胶，黄金焗带子同埋炸榴梿，呢3样真系无敌，食完第一 round 要再 encore 一份花胶起码有4-5条，煮得好林，好滑。食完当堂觉得自己皮肤滑咗，我一个人就食咗两碗喇 黄金焗带子又系超吸好味， 佢嘅酱汁有啲似芝士加沙律酱， 劲好味，好味到我连D汁都捞晒 炸榴梿真系好惊喜。外面炸到金黄色成粒长洲鱼弹咁，望到都已经觉得好靓。一啖咬落去，层皮烟烟靭靭，里面的榴梿肉好似想涌出嚟咁，皮同果肉嘅味道同口感都好夹。新鲜榴梿肉质好滑，味道好香甜，榴梿爱好者一定要食，保证上瘾 其次要提鱼生剌，好新鲜，超鲜甜，真心推介油甘鱼同希灵鱼~ 仲有烧鸡翼，比目鱼，烧菠萝，炒什菜，红油抄手，烧鳗鱼，天妇罗，烧牛舌… 样样都好好味。至于羊鞍，如果有埋薄荷酱就更正。食物选择真系太多，试吾晒，所有饭类同面都