Coffee Art

营业中

休息中

收工同Honey 去观塘行街顺便医肚，东广场呢度食过几次，每一次都有惊喜。今次都唔例外。餐厅应该系主打咖啡嘅，不过夜晚8点就费事饮啦，下次会去试试。望晒成个menu，价钱全部都好相宜，而家讲紧有质素嘅西餐啵，5x蚊起跳真系令人担心佢点样营运落去。我哋叫咗一个原只磨菇意大利饭，All day breakfast 同加咗$30要碟薯条。埋单两个人都只系$182，系每人$91，仲要饱到捧住个肚腩离开嘅。虽然叫杯Earl Grey 系普通到咁，不过茶味都浓嘅。好大份嘅all day breakfast，一个女仔未必食得晒！滑蛋够嫩，蜜糖多士够清新。加$30要咗个黑松露芝士薯条，好香口，食到停唔到口。honey 嘅原只大磨菇意大利饭成只菇喺底，唔腻，唔会煮到似生米，好好食。我食咗honey 碟饭好多啖总括嚟讲，性价比非常高，下次再去试甜品同咖啡。不过一提，中间张大石台其实几唔方便，好难行入去，不过成个装潢都配合主题嘅。