影片
更多
2007-04-17
28 浏览
呢间烧烤乐园系我提供俾呢个网页,而我今年已经帮衬佢差唔多十次,可能系我一生之中,一年内最多次BBQ。最初呢间BBQ前身系士多茶座,可以免费泊车食下下午茶,又可以借条水喉洗下车,所以我对佢印象不嬲都几好,因为果度员工又好态度劲NICE。之后转做自助BBQ场,我就尝试去帮衬下,每次去食物及服务都好满意。不过...近来可能生意好,食物及服务方面都差少少。平时我最钟意猪扒,一向系白净兼味香,但近几次已经变暗色,而且又好多添!以往想要多一支铁叉,可以用两蚊去买多支,但而家又唔可以喇!可能惊多支叉食多?两个人开一个细炉,除原有炉上一堆炭开炉外,会多送一包炭,四个人一个炉送两包,六个人一个炉送三包,如此类推,但我过呢个星期日去,六个人都系送得果两包炭。人多一个炉烧自己占炉表面面积大,所需要炭都会多好多,所以得两包炭根本唔多够,如果烧个零钟多都勉强可以啰!总括讲呢度仲可以帮衬,但希望唔好因为生意多,而开始对食物质素及服务松懈啰!如果唔系就好似天水围果间【有Y 用】咁,由最初好多人去帮衬好旺,做到而家蚊蝇多个人,咁就喊都无谓啰~
张贴