雍雅山房

营业中

休息中

行入间餐厅，已经知道中伏，因为只系得一台客。佢地两条友，每人只嗌一杯嘢饮。食物价钱贵不在话下，谂住有个靓景补番数，都算啦。点知有个恶经理，师奶年纪，作中性打扮。doot 完安心一入嚟见到佢，佢自己唔知我哋已 doot 咗安心出行，呢件经理用纪律部队态度喝停我哋阻止我哋行入佢间餐厅，呼喝我哋 doot 安心兼黑口黑面，结果发现自己搞错，一句对唔住都冇讲。 唔知以为佢先系客啰 。在坐有老人家问佢要杯热水，佢话要就𫔰茶位加$先可以比热水我地。一只乳鸽近二百蚊 ，干炒牛河又二佰蚊，瑶柱蛋白炒饭近二百，全部质素仲差过茶餐厅。四个人食两只乳鸽畀两对胶手套食，收得咁贵，唔系连胶手套都悭下话。 最后发觉服务态度差系呢间餐厅嘅 signature dish。 贴钱买难受嘅经典 。大家小心为上，千祈唔好中伏，预计佢应该过唔到一年快执。