Catee (已結業)

今日情人节前夕，我同女朋友去左荃湾呢一间餐厅食饭，之前行过都有留意呢间餐厅，今日终于可以一尝。首先入到铺内，装修唔错，灯光柔和，气氛几好，有好多猫嘅饰品摆设，非常别致。我地叫左两个主菜，另加50蚊升级做套餐，有沙律/汤/包/饮品/甜品。价钱一般，唔算太贵，但野食嘅味道，质素只可以讲差，要知道，如果啲野系难食，俾1蚊，都觉得贵，以下有果句讲果句。唔该落面捞时，打好小小，食到有面团粒不过不失。味道比较淡，女朋友形容似水我成个餐牌都揾唔到啲靓扒食，唔系澳洲就美国。我叫5成熟，黎左7成，而且系扒炉煎完再入焗炉，间铺唔系大，点解唔可以用煎pan每件用牛油蒜，百里香去煎呢？贪方便。啲扒冇牛味，盐同黑椒都要我问侍应拎，个烧汁，黄汁粉开水，一啲肉味都冇，仲有啲薯泥，孖薯粉权头开水，俾多少少水啦，里面仲有粉。鲈鱼皮本身带有苦味，点解成碟野柠檬都冇旧，仲有嘅系，煎鱼跟烧汁？师兄冇野吗？呢件野需然简单 但几好食👍🏻不过叫货成品难食都有个谱。总结，食物质素未如理想，只能形容为高级茶记质素。铺内装修唔错，但近门口位墙上嘅假草，有啲格格不入。唔想租约满执粒，咁就快啲搞搞啲食物质素啦。