炯記手撕雞 (汝州街) (已結業)

深水埗真系好多各式各样嘅嘢食，今日陪男朋友喺呢边睇完跌打之后，打算揾间餐厅食埋夜晚，见到呢间都几吸引于是就入去试吓。店舖虽然细但系所有嘢都好企理坐得舒服，呢度嘅招牌系手撕鸡同埋烧鹅，于是我哋谂都冇点样谂就决定嗌呢两样。《酱黄猪手捞粗》$50卢厝好有油香味，加埋佢哋秘制嘅XO酱，真系越食越有胃口！猪手真系超级好食，炆得好淋好入味，嚟到一定要试。《棋哥烧鹅捞粗》$50另一款嘅招牌，烧鹅色水劲靓，外皮好薄好脆，入面一啲都唔干，又无好劲嘅苏味，好食！跟餐都会奉送佢哋嘅例汤，有家的味道，好清甜，仲有肉入面，好饮。《鸳鸯鸡小食》$32当然要食麻辣手撕鸡啦，仲有唔辣嘅口味，手撕鸡好有咸香，唔dry，不过就唔算特别特别好食，但系都好推荐。《麻辣鸡肾》$28份量都几多，而且细细粒餐前小食来讲真系好开胃，好爽口弹牙，正！ 总括嚟讲，呢度嘅所有嘢质素都好平均，每一款食物都好食，推荐大家嚟深水埗可以试一试。