牛気 (The ONE)

营业中

休息中

今日约咗两个好姊妹聚一聚，佢哋两个之前嚟过哩一间牛気觉得好正，所以提议今晚再去。我哋叫咗个严选澳洲和牛+海鲜放题，汤底拣咗冬阴公+猪骨汤。首先讲吓个汤，冬阴公唔错，本身亦都有啲海鲜喺个汤底度，但系我最钟意加汤嘅时候佢系可以加返冬阴公汤或者清汤，而其他汤就只可以加清汤。至于猪骨汤，当然唔似我哋食拉面𠮶啲猪骨汤底，而系似食猪骨汤即食面𠮶啲汤底🤭。嘢食方面，和牛、牛小排、牛肩丶大海虾、日本带子都系我哋不断refill 嘅嘢，因为质素真系好高，特别啲虾，有好多放提都冇咁新鲜。至于出面嘅丸类（唔回本嘅嘢食）其实都可以唔需要攞，不过我因为第一次嚟，每样攞左少少，所以都有啲浪费。饭后甜品我就攞咗雪糕同埋蛋挞仔，雪糕唔系好重奶味，至于蛋挞仔，我系觉得十分超级非常好味🤤🤤🤤，我食完第一个之后要再出去攞多三个食，酥皮好香好松化🤤🤤🤤，讲吓讲吓又想食添🤭。另外，汇丰信用卡每位减$20，澳洲和牛+海鲜放题仲可以食多30分钟，不过始终两个钟都系唔够时间食，最后我哋都有啲嘢未食完迫住要走。