農民泰菜 (已結業)

年几前食过晩饭觉得麻麻，之后一直没有再光顾，最近知佢系黄店，于是今日再去食lunch支持下，叫左青咖哩牛腩饭同香茅猪扒荷包蛋饭，加埋热鸳鸯，三个字-好失望，咁耐都冇改善过啲厨艺，青茄哩水涡涡冇咖哩味，入面啲南瓜红黄椒好似冇煮过咁，硬掘掘。香茅猪扒荷包蛋饭还可以，但猪扒冇乜香茅味，斋似一般煎猪扒饭。𠮶杯热鸳鸯超难飮，得个苦味似斋啡，多加少少奶应该卖相同口感会好啲。最后，寄语农民泰菜要加油，如果只系要食客支持黄店，而不顾食物质素，咁好难会长远撑落去。最最后，俾多次几会佢，临走叫左个外卖鸡肉炒金边粉，加多$1有杯冰红茶，好彩这个都唔错，几好味唔太油，杯冰红茶唔会太甜，加返少少分