廚意

营业中

休息中

咁啱去开佐敦， 想揾间酒店食下嘢， 所以去咗Hotel Stage 嘅餐厅试下。 佢嘅环境几阔落， 约朋友倾计真系唔错。 不过啲食物真系麻麻地， 我哋三个人叫咗三个set lunch， set lunch 包头盘沙律、 主菜、甜品和饮品。 价钱由198至298不等, 餐汤和沙律水准一般， 主菜嘅大蚬蒜子香辣扁意大利面， 大蚬好多沙， 我即刻叫佢哋帮我换过， 第二次煮出嚟就ok喇。 黑毛猪扒嘅味唔够， 要落多D盐和黑椒搭够。 烧汁仓鱼整得几好， 肉质新鲜， 味道调教得好， 不需要自己再落调味料。甜品可以拣芝士饼或者红枣布甸， 芝士饼只可以话水准一般， 红枣布甸太甜，完全食唔到。 咖啡唔错， 佢哋用嘅咖啡豆即磨咖啡都几香浓， 不过食物的质素真是有待改善。