&you

营业中

休息中

本身谂住食意粉而坑口餐厅食意粉嘅选择唔多🥹于是我见到你度有得食意粉就同家姐一齐去食午餐🫶🏻 但最后其实我哋冇order到意粉😂最后我哋叫咗沙律蛋焗薯，同埋牛肉汉堡配薯条，其实呢个沙律蛋焗薯，我谂我已经食第三次，每一次食嘅时候我都希望佢会有进步🥹 感觉呢个焗薯唔够油或者牛油令到薯仔觉得有啲揦脷🥲 于是我问职员拎咗少少牛油加落去感觉好少少！ 我加咗杯冻饮冻柠茶，其实我最钟意饮呢度嘅冻柠茶，因为佢嘅味道同出面餐厅𠮶啲唔同，佢除咗有柠檬嘅味道，佢仲有啲甘草味饮落觉得好舒服🧡 呢杯冻柠茶都系我吸引嚟呢度食嘅原因！ 至于牛肉汉堡🍔都算正正常常，但系薯条呢我觉得太咸，咸到觉得完全唔好食嘅😢😢 餐厅环境嚟讲，我觉得装修算唔错，但系食物价钱其实都算偏贵，希望食物质素各方面可以有改善