影片
更多
2025-02-22
165 浏览
第一次写食评，本身都上openrice望咗，见都几多人讲话性价比唔高，但都谂住过嚟望吓先再决定食唔食。今次系食semi-buffet lunch，入到reception位远远见到有海鲜station，问咗话今日有蚝、虾、青口、翡翠螺，谂住用openrice优惠$440都可以试试，点知真系中伏 😒上述讲嘅海鲜唔知系咪为咗要去咗啲腥味，冲水冲到咩味都冇，全部都劲淡味，连啲北寄贝、鱿鱼刺身都系咁，反而salad bar啲腌三文鱼超咸 🤮 但系salad都可以接受，有3-4款左右。前菜仲有生牛肉他他、三文鱼抹酱呢两个都ok。主菜我同老公分别叫咗个烤西冷牛扒同一个米兰式牛仔扒，个牛扒其实就系平时去食自助餐𠮶个hot station/meat station通常都有嘅切片牛扒，连个厚度都差唔多。老公切咗啲俾我试，有啲硬，不过有可能系因为我老公要食7成熟 🤣 我叫𠮶个米兰式牛仔扒就唔comment啦，因为我大乡里出城第一次食呢道菜，所以我唔知佢正常应该系咩样or咩味，不过我只可以话唔合我胃口，成份扒我食咗应该1/5都冇。甜品选择都多，质素有酒店水准。 👍🏻总括嚟讲，真系如其他人评论所讲CP值好低，除
今次系食semi-buffet lunch，入到reception位远远见到有海鲜station，问咗话今日有蚝、虾、青口、翡翠螺，谂住用openrice优惠$440都可以试试，点知真系中伏 😒
上述讲嘅海鲜唔知系咪为咗要去咗啲腥味，冲水冲到咩味都冇，全部都劲淡味，连啲北寄贝、鱿鱼刺身都系咁，反而salad bar啲腌三文鱼超咸 🤮 但系salad都可以接受，有3-4款左右。前菜仲有生牛肉他他、三文鱼抹酱呢两个都ok。
主菜我同老公分别叫咗个烤西冷牛扒同一个米兰式牛仔扒，个牛扒其实就系平时去食自助餐𠮶个hot station/meat station通常都有嘅切片牛扒，连个厚度都差唔多。老公切咗啲俾我试，有啲硬，不过有可能系因为我老公要食7成熟 🤣 我叫𠮶个米兰式牛仔扒就唔comment啦，因为我大乡里出城第一次食呢道菜，所以我唔知佢正常应该系咩样or咩味，不过我只可以话唔合我胃口，成份扒我食咗应该1/5都冇。
甜品选择都多，质素有酒店水准。 👍🏻
总括嚟讲，真系如其他人评论所讲CP值好低，除非你系打算主攻甜品，否则同一个价钱可以考虑其他餐厅 🙃
张贴