影片
更多
2022-09-18
1512 浏览
今晚朋友带咗我去深水埗一间佢推介嘅餐厅食饭，冇咩事前了解之下，就行入左呢间门口睇落有啲似酒吧嘅地方。门口旁就已经系有一排Beer tap嘅吧枱，见有啲cocktail 同手工啤选择，咁就顺便试试啲野饮。先叫咗一杯有酒嘅Old Fashioned，同埋冇酒嘅What a Peach!，前者酒劲足，香气带点橙及朱古力，啱晒夜晚慢慢dap；后者就果香突出，桃味、提子味都好吸引。野食方面俾咗朋友发办，叫咗个晚市二人套餐，有头汤主粉甜5个course。朋友话「上次试过架喇，呢度啲嘢好食架！」所以我都冇谂住俾意见拣菜式，由得朋友主导整个饭局，我只专心体验。当晚唔算太多客人，所以落单后野食都有效率，陆续上枱。头盘沙律系烟三文鱼无花果沙律，入面仲加左青瓜粒、车厘茄，醋汁感觉清爽，汁量亦刚刚好唔会太多，开胃得嚟，新鲜无花果肉嘅清甜，令人想继续食多两啖。餐汤今日系甘笋汤，饮落creamy，甘笋味都几浓，feel到摆咗好多料落去煲。主菜拣左香烤法国春鸡，由于多年前读U时要入厨房嘅经历，系我平时出街食饭唔会点嘅菜式，但相信呢位识饮识食嘅朋友，所以都即管一试。点知一试之下，真系有惊喜。鸡肉烤得刚刚好唔会干，有淡
先叫咗一杯有酒嘅Old Fashioned，同埋冇酒嘅What a Peach!，前者酒劲足，香气带点橙及朱古力，啱晒夜晚慢慢dap；后者就果香突出，桃味、提子味都好吸引。
野食方面俾咗朋友发办，叫咗个晚市二人套餐，有头汤主粉甜5个course。朋友话「上次试过架喇，呢度啲嘢好食架！」所以我都冇谂住俾意见拣菜式，由得朋友主导整个饭局，我只专心体验。当晚唔算太多客人，所以落单后野食都有效率，陆续上枱。
头盘沙律系烟三文鱼无花果沙律，入面仲加左青瓜粒、车厘茄，醋汁感觉清爽，汁量亦刚刚好唔会太多，开胃得嚟，新鲜无花果肉嘅清甜，令人想继续食多两啖。
餐汤今日系甘笋汤，饮落creamy，甘笋味都几浓，feel到摆咗好多料落去煲。
主菜拣左香烤法国春鸡，由于多年前读U时要入厨房嘅经历，系我平时出街食饭唔会点嘅菜式，但相信呢位识饮识食嘅朋友，所以都即管一试。点知一试之下，真系有惊喜。鸡肉烤得刚刚好唔会干，有淡淡柠檬香，
鸡皮都脆口，杂菜同烤薯都juicy，味道足。
Pasta course就拣咗个脆炸鳕鱼西西里番茄酱Risotto，先讲个饭质，煮得Al dente，唔会太多酱汁，厨师水份控制得啱啱好，水准唔错。除左面头两件脆浆炸鱼外，饭入面亦有鱼肉粒，整体感觉有连贯，番茄酱味道都浓郁舒服。
甜品就系厨师精选嘅朱古力蛋糕、Tiramisu配云呢拿雪糕。两款蛋糕口感同味道都有啲相似，云呢拿雪糕下面有啲Crumble增加咬口，食埋份量都好够饱。
食完感觉就系唔好俾佢似酒吧/Cafe嘅门面扼左，其实入面嘅食物质素系几好，值得大家入去发掘一下。
张贴
