沙隴餐廳

营业中

休息中

今日到沙陇餐厅食早餐，呢间食店系我出世前己经开左，算是大埔的老字号。朝早10点30去到的时候已经好多人，好彩等左5分钟左右已经有位，仲要系卡位。我三个朋友叫左百塔早餐，价钱都系$30，三样𩠌。我就叫左个鸡翼米线，都系$30。朋友的早餐质素都可以接受，炸菜好好食，午餐肉亦是煎香左，蛋就可以再选煎蛋同炒蛋，2种食法都唔错。我要的鸡翼米线都好抵食，因为有食4只鸡翼，而且系热辣辣，应该系炸完无耐。我自己会加多少少佢地枱面会提供的荔枝醋，会更加好味开胃。食物的质素不错，但服务态度就不可恭维，我地其中2杯饮品好耐都无来到，差唔多食完个阵，终于忍唔住去问啲阿姐。我地系一个叫左热奶茶，一个叫左樽装朱古力奶，但阿姐听到之后，只系话佢地有好多外卖，然后就走左，又无再去追。咁奶茶都算，樽装朱古力奶系喺佢地个雪柜拎出来就得，又关外卖咩事呢? 结果又要等多阵，再揾多个阿姐问先至追到。我唔系第一次食呢间店，系由细食到大。好多时堂食的话，偶然都会即场听到有人投诉。呢件事真系令我觉得呢个店的食物质素稳定  但服务也是稳定地强差人意。