上海香港麵家

营业中

休息中

环境不是太过四正，看落有点觉得污糟。由于地方不大，好多时候需要和隔离枱差不多要背贴背坐。食物质素方面不是有什么特出之处，和普通一间上海菜只是差不多，不过如果一路以来有食开，会发觉食物份量就愈来愈少，例如叫碟上海粗炒，有点像食下午茶小碟份量般一样，但是照收足七、八十蚊一碟。服务态度其实都一直不好，收碗碟𠮶个唔知系咪老板会掟啲杯杯碟碟落地下嘅胶桶，制造噪音，坐起侧根有机会会被𩠌汁溅到。至于收钱𠮶个事头婆，你埋到去俾钱时佢反而会望住你，唔讲几钱就等你俾钱，𠮶张手写单写到鬼画符根本就冇写价钱，你问佢几钱佢就阴声细气，唔咸唔淡嘅广东话，你都唔知佢噏乜；问多佢一声就即刻态度超差，好似乱开价咁，感觉有啲似你嚟帮衬佢，反而系同你有仇。呢啲咁嘅服务态度，仲话自己系做老铺，一手一脚成全香港人北上消费。本地人如果有其他选择，避免过来受气；不推介给游客，以免继续影响香港形象。