影片
更多
2023-01-31
2170 浏览
好味指数😋😋😋回头指数 ⭐️⭐️开心指数🤗🤗🤗 朋友 gathering 拣咗呢间打卡餐厅，最靓嘅打卡位响餐厅出面，同埋一入门口嘅位置，夜晚 + 天气冻 + 车路天桥景，我去𠮶晚就冇人坐户外啦😂 不过我相信，有阳光嘅下昼感觉会好好多，同埋呢间系宠物友善餐厅，亦都有提供狗狗餐，带埋宝贝嚟坐户外应该几开心嘅，虽然对住条马路呢个事实系唔会改变～ 至于chill 唔 chill，都系感觉嚟嘅！我哋叫咗4款小食，3款主菜，1款甜品，3款饮品。 🍴意大利香醋一字猪肋骨（$98）以小食嚟讲，有5件猪肋骨，份量都几多，意大利香醋个味几好，醋味好顺喉，酸酸甜甜好开胃，猪肋骨煮得肉骨分离，呢个作为前菜几合适。 🍴橄榄油渍广岛蚝多士（$98）广岛蚝都几大只，橄榄油渍做法令广岛蚝更加鲜味，上面加咗三文鱼籽，口感丰富，竹炭多士好厚身，但系又唔脆又唔软仲有少少韧，有D 奇怪，如果可以外脆内软就好啦！ 🍴Be Leaf 小食拼盘（$138）拼盘有4款小食：炸虾、炸鸡翼、炸鱿鱼须、炸洋葱圈，配2款酱料，如果冇食错，应该系蜜糖芥末酱同泰式酸甜酱。炸虾同鸡翼各有4只，呢两款系最好食，炸虾个炸皮比较薄，虾嘅肉质唔错，鸡翼炸到外
回头指数 ⭐️⭐️
开心指数🤗🤗🤗
朋友 gathering 拣咗呢间打卡餐厅，最靓嘅打卡位响餐厅出面，同埋一入门口嘅位置，夜晚 + 天气冻 + 车路天桥景，我去𠮶晚就冇人坐户外啦😂 不过我相信，有阳光嘅下昼感觉会好好多，同埋呢间系宠物友善餐厅，亦都有提供狗狗餐，带埋宝贝嚟坐户外应该几开心嘅，虽然对住条马路呢个事实系唔会改变～ 至于chill 唔 chill，都系感觉嚟嘅！我哋叫咗4款小食，3款主菜，1款甜品，3款饮品。
🍴意大利香醋一字猪肋骨（$98）
以小食嚟讲，有5件猪肋骨，份量都几多，意大利香醋个味几好，醋味好顺喉，酸酸甜甜好开胃，猪肋骨煮得肉骨分离，呢个作为前菜几合适。
意大利香醋一字猪肋骨
$98
64 浏览
0 赞好
0 留言
🍴橄榄油渍广岛蚝多士（$98）
广岛蚝都几大只，橄榄油渍做法令广岛蚝更加鲜味，上面加咗三文鱼籽，口感丰富，竹炭多士好厚身，但系又唔脆又唔软仲有少少韧，有D 奇怪，如果可以外脆内软就好啦！
橄榄油渍广岛蚝多士
$98
39 浏览
0 赞好
0 留言
🍴Be Leaf 小食拼盘（$138）
拼盘有4款小食：炸虾、炸鸡翼、炸鱿鱼须、炸洋葱圈，配2款酱料，如果冇食错，应该系蜜糖芥末酱同泰式酸甜酱。
炸虾同鸡翼各有4只，呢两款系最好食，炸虾个炸皮比较薄，虾嘅肉质唔错，鸡翼炸到外脆内软，都几入味。炸鱿鱼须同炸洋葱圈个炸皮好厚，层皮仲厚过主角😅呢款好坏参半。
Be Leaf 小食拼盘
$138
33 浏览
0 赞好
0 留言
🍴水牛城鸡翼3只（$68）
价钱上比较贵，如果6只嘅价钱系$98，3只嘅价钱系$58 会 make sense 过$68，个酱汁唔算突出，酸味同辣味冇咩令人唤醒味蕾嘅感觉，只属正常，唔太值呢个价钱。
水牛城鸡翼3只
$68
26 浏览
0 赞好
0 留言
🍴矶煮鲍鱼花胶龙虾汤烩撒丁珍珠意粉（$158）
呢个系3款主菜入面最好食嘅一个，将花胶配落意粉类嘅 idea 都几creative！珍珠意粉胀卜卜好似大粒嘅饭咁，咬落去al dente，口感好好，亦都吸收晒龙虾汤嘅味，有D 食紧饱满 risotto 嘅感觉！花胶几大片，鲍鱼仔正常，呢个因为珍珠意粉煮得好，所以我觉得好好食！
矶煮鲍鱼花胶龙虾汤烩撒丁珍珠意粉
$158
24 浏览
0 赞好
0 留言
🍴香煎羊肚菌意式烟肉菠菜意大利面（$138）
正常发挥，冇特别。
香煎羊肚菌意式烟肉菠菜意大利面
$138
21 浏览
0 赞好
0 留言
🍴慢煮美国牛板腱扒伴原只琵琶虾配黑松露烧汁（$278）
我第一刀想切开牛板腱时，已经心感不炒！我用切牛扒嘅刀，切到成张台地震咁，都唔系太切得开。用咗九牛二虎之力，终于切到一片出嚟食，一放入口，实在唔系太咬得开😥 牛板腱本身嘅特性系肉味浓、有弹性，我亦都明白肉质会相对硬，以我嘅理解，慢煮系可以令肉质软腍，所以谂住叫呢个慢煮牛板腱就应该okay 啦，点知。。。结果系。。。完全feel 唔到佢慢煮过，令人食咗一啖就会想放弃继续食落去！琵琶虾煮得过熟，已经煮到虾肉硬咗，冇咗鲜甜爽口又嫩滑感觉，浪费！浪费！浪费！加埋10% 呢一碟超过$300，虽然唔系劲贵，但系换嚟呢个结果的确唔太开心。
慢煮美国牛板腱扒伴原只琵琶虾配黑松露烧汁
$278
19 浏览
0 赞好
0 留言
🍴宇治抹茶红豆伴烤团子梳乎厘班戟（$128）
打卡系甜品，份量比想像中大，蓬松轻盈感比想像中少，略嫌唔够空气感，宇治抹茶有D 渴挞挞，唔算好食。
宇治抹茶红豆伴烤团子梳乎厘班戟
$128
21 浏览
0 赞好
0 留言
🍴姜蜜红茶（$42）
🍴蔓越莓玫瑰红枣茶（$42）
两款花茶精致亦都用料足，冲咗3次水都仲好够味！另外一赞系店员主动嚟加水。
🍴Ocean paradise（$46）
呢个系朋友饮嘅，系期间限定，用蓝橘配荔枝乳酸，颜色系几靓嘅，朋友讲正常啰～
整体上小食同主菜嘅摆盘，都放咗食用花同菜苗，非常好打卡，头两三碟见到都会觉得好靓，但当碟碟都见到接近一样嘅装饰时，wow factor 就会开始觉得有D 腻！可能如果食一两个小食、一个 main course、一个甜品同饮品，就唔会出现呢种见到闷咗嘅状态呱。
价钱上呢个地区都算系中价，但食物质素却追唔上，感觉唔太值呢个价位。餐厅设计睇得出花咗唔少心思营造打卡位，如果著重打卡，叫两三碟食物饮品，仲要叫得啱比较好食嘅dish，可能满意度会高D 嘅～
另外，餐厅用餐时间系90分钟，我相信系繁忙时间先会催促你走，可能因为咁样嘅原因，厨房出菜嘅速度非常快！前菜同主菜会接近一齐送上，我哋，同我眼见有一D客人嘅台，系差D 放唔落食物，好挤迫之余，亦都会因为食唔切，食物会放耐咗，影响咗温度同质素。
以今次嘅体验，以我著重食物质素多过打卡值嚟讲，呢间餐厅回头嘅机会率唔算太高啦！
张贴
