新澳咖啡餐室 (民泰街) (已結業)

今日咁啱喺红磡市政中心体育馆度打波，google map之后发现黄埔落车行过去最近。之前亦都听讲黄埔地铁站附近有好多美食。所以打算喺黄埔附近食个下午茶先再去打波。黄埔地铁站落车之后，大概行左差唔多1分钟就揾到呢一间新澳咖啡室餐室。佢门口嘅装修同埋设计都比较华丽，令我对呢间餐厅嘅期望亦都非常之高。经过深思熟虑之后叫咗一个干炒猪扒河粉同埋热柠水。食物方面，猪扒同河粉都几入味，但可惜猪扒较多肥肉同河粉嘅份量又唔够多。所以整体我认为质素只系一般。服务方面我比较唔满意，落单嘅阿婶态度比较恶劣。价钱方面，我觉得性价比较低，$42一个下午茶算比较贵且份量很少。