QUE (新都會廣場)

营业中

休息中

寻晚同屋企人帮衬，大概6:20入去，限时90分钟叫咗二人套餐，等咗大概15分钟，上咗两样菜式。因我哋叫嘢饮时有些少犹豫，不过照样叫咗热柠水同热奶茶，但中年女侍应已表现出冇乜耐性，问我哋系咪要转头落，我哋话唔系，照落呢两杯等咗半个钟，我地同个男经理讲话争两杯饮品，点知佢话我哋未落单，我哋都有啲错愕，重新落单之后过咗10分钟 又未有见有，我哋问另一位女侍应，佢「哦」完之后继续忙，唔知有冇跟进。再过多15分钟，上埋甜品，所有嘢都食晒 但两杯饮品都仲未到，我哋再问呢个中年女侍应，佢就话：「水吧得一位同事，得一对手，系要等等㗎喇…… 知道㗎喇」呢种态度就唔太友善，皮笑肉不笑嘅回应 令人觉得无言，因为佢一开始已落漏单，然后觉得系我哋系咁催，系我哋嘅错咁。整体来讲，食物质素还好，但服务真系需要改善。