影片
更多
2024-03-19
60 浏览
💰花胶鸡汤锅 （半只）- $318💰玉面公主四国牛肉拼盘 - $498💰珊瑚、桂花蚌双拼 -$138天气呢排又开始冻，最啱又系去打边炉。今次嚟到尖沙咀呢间宫廷式设计嘅打卡火锅店，叫做香香宫煮，入边装修古色古香，非常之有风味😛门口仲可以俾你着宫廷服入去打边炉打卡。花胶鸡汤底同行朋友表示世一，绝对会encore。鸡味非常浓郁，花胶都好足料。😛嘢食就叫咗玉面公主牛肉拼盘，牛肉质素拍得住九龙城街市。饺子拼盘，粒粒饱满，非常实的的，食落爆汁。桂花蚌同珊瑚蚌都好新鲜，绝对唔怕食坏肚。山水滑豆腐就觉得一般，冇乜惊喜。梗系要叫埋佢哋特色小食，包括酥炸黑松露午餐肉同埋公主油炸鬼。😜午餐肉炸到热辣辣，嚟到即刻忍唔住食咗件，劲好味！公主油炸鬼外层炸得好酥脆，入面包住好多虾胶，仲有啲鱼子，食落几过瘾！😜做埋会员，生日可以免切饼费仲有九折，侍应帮我哋送蛋糕上嚟嘅时候，个底仲装埋干冰飘着仙气咁出场，仲送我哋一人一个莲蓉寿包，简直就系捧住个肚返屋企啊！😋全部侍应哥哥姐姐都亲切友善，服务极佳！总体嚟讲呢间嘢啲嘢食食物质素都几高，价钱属于中等，服务都几好，属于过时过节来庆祝的好选择！😋
💰花胶鸡汤锅 （半只）- $318
💰玉面公主四国牛肉拼盘 - $498
💰珊瑚、桂花蚌双拼 -$138
天气呢排又开始冻，最啱又系去打边炉。今次嚟到尖沙咀呢间宫廷式设计嘅打卡火锅店，叫做香香宫煮，入边装修古色古香，非常之有风味😛门口仲可以俾你着宫廷服入去打边炉打卡。
花胶鸡汤底同行朋友表示世一，绝对会encore。鸡味非常浓郁，花胶都好足料。😛嘢食就叫咗玉面公主牛肉拼盘，牛肉质素拍得住九龙城街市。饺子拼盘，粒粒饱满，非常实的的，食落爆汁。桂花蚌同珊瑚蚌都好新鲜，绝对唔怕食坏肚。山水滑豆腐就觉得一般，冇乜惊喜。
梗系要叫埋佢哋特色小食，包括酥炸黑松露午餐肉同埋公主油炸鬼。😜午餐肉炸到热辣辣，嚟到即刻忍唔住食咗件，劲好味！公主油炸鬼外层炸得好酥脆，入面包住好多虾胶，仲有啲鱼子，食落几过瘾！😜做埋会员，生日可以免切饼费仲有九折，侍应帮我哋送蛋糕上嚟嘅时候，个底仲装埋干冰飘着仙气咁出场，仲送我哋一人一个莲蓉寿包，简直就系捧住个肚返屋企啊！😋全部侍应哥哥姐姐都亲切友善，服务极佳！
总体嚟讲呢间嘢啲嘢食食物质素都几高，价钱属于中等，服务都几好，属于过时过节来庆祝的好选择！😋
张贴