影片
更多
2023-04-04
41 浏览
油麻地地鐵站B2出口左轉就到，超方便。份量同材料夠曬誠意，三文治厚身，大份好味！★ 士林台式香酥蛋餅 $38蛋餅皮嘅厚薄啱啱好，煎香之後，有陣香味，有脆嘅兼且唔油膩。蛋餅嘅餡料都好豐富！今次揀咗肉鬆、粟米、火腿餡料。依個配搭我非常滿意，好多元化，多層次嘅味道同口感。大滿足！佢可自選餡料，啱哂偏食嘅寶寶。大推肉鬆！咸香嘅肉鬆令整個蛋餅好香，令人食慾大增，係不敗之選！★招牌芫茜厚切餐肉滑蛋三文治 $33每一份三文治都係爆餡！鍾意芫茜嘅朋友可以滿足到你。厚切餐肉加上滑蛋幾蛋汁都大大豐富左三文治口感。配上芫茜香味，整體係不錯選擇。以價錢嚟講，係物有所值。★香蔥芝士咸牛肉滑蛋三文治 $33四種食材都有自己特色，但將佢組裝埋一齊冇互相搶咗大家特色嘅感覺，反而係有層次地帶出四種唔同嘅味道。尤其炒蛋好嫩滑，好juicy，牛肉同芝士既鹹味加蔥既香味，你睇文字都可以想像到咬入口既時候果種豐富嘅口感！★ 蒜香台灣腸 $18蒜片煎炸過，揮發出好香蒜味，鍾意蒜味既朋友一定啱曬口味。台灣腸仔完美還原到台灣夜市既味道，夾住蒜片一齊食，一個字，精神！★香芋地瓜球 $15又係一個神還原既台灣食品，香芋地瓜球皮同
油麻地地鐵站B2出口左轉就到，超方便。
份量同材料夠曬誠意，三文治厚身，大份好味！
★ 士林台式香酥蛋餅 [推薦💯︎] $38
蛋餅皮嘅厚薄啱啱好，煎香之後，有陣香味，有脆嘅兼且唔油膩。蛋餅嘅餡料都好豐富！今次揀咗肉鬆、粟米、火腿餡料。依個配搭我非常滿意，好多元化，多層次嘅味道同口感。大滿足！佢可自選餡料，啱哂偏食嘅寶寶。大推肉鬆！咸香嘅肉鬆令整個蛋餅好香，令人食慾大增，係不敗之選！
★招牌芫茜厚切餐肉滑蛋三文治 [推薦💯︎] $33
每一份三文治都係爆餡！鍾意芫茜嘅朋友可以滿足到你。厚切餐肉加上滑蛋幾蛋汁都大大豐富左三文治口感。配上芫茜香味，整體係不錯選擇。以價錢嚟講，係物有所值。
★香蔥芝士咸牛肉滑蛋三文治 [推薦💯︎] $33
四種食材都有自己特色，但將佢組裝埋一齊冇互相搶咗大家特色嘅感覺，反而係有層次地帶出四種唔同嘅味道。尤其炒蛋好嫩滑，好juicy，牛肉同芝士既鹹味加蔥既香味，你睇文字都可以想像到咬入口既時候果種豐富嘅口感！
★ 蒜香台灣腸 $18
蒜片煎炸過，揮發出好香蒜味，鍾意蒜味既朋友一定啱曬口味。台灣腸仔完美還原到台灣夜市既味道，夾住蒜片一齊食，一個字，精神！
★香芋地瓜球 [推薦💯︎] $15
又係一個神還原既台灣食品，香芋地瓜球皮同餡比例非常好，鍾意食香芋既朋友，你地會比餡料入面飽滿既香芋蓉衝擊味蕾！好幸福。
张贴
