L.D.K. by Ufufu Café (新都會廣場)

营业中

休息中

老婆放半昼，我就去接佢放工再一齐食晏。我哋拣咗哩间日本fusion餐厅，虽然有set lunch但其实都有少少贵，宜家出街食饭真系好奢侈。我哋叫咗和风博多明太子意粉$112同流心芝士和牛汉堡扒$138，每人另加$25配埋沙律、餐汤同饮品。老婆再加$20转升级饮品：福岗八女抹茶红豆白玉拿铁。埋单每个人都要$175。不过食品质素系高嘅，意粉望落去虽然好寡，但味道系好食嘅，好钟意明太子嘅咸香味，加埋紫苏叶，味道提升至另一境界。汉堡扒肉质非常鲜嫩，肉汁丰富，牛肉味香，中间嘅流心芝士溶入汉堡扒内，令味道同口层更有层次。福岗八女抹茶红豆白玉拿铁都好正，抹茶同牛奶味道浓郁，绝不欺场，白玉烟韧，口感Q弹，可以话系饮品甜品两合为一，大满足。