影片
更多
2020-06-09
134 浏览
今日同爱好中菜嘅亲戚去康怡购物，随意入左一间望落干净企理嘅中菜厅，估唔到食物同埋服务质素几唔错。欣赏餐厅因为疫情嘅缘故系卡位旁边添置左透明胶膜，加强卫生嘅同时唔会令环境变得局促。青城山杏汁白肺汤 (一位) $62杏仁味突出，饮得出好足料，香浓滋润。猪肺汤工序繁复，贵少少都抵，如果大碗啲就更满足！胡麻鲜淮山 $52新鲜淮山系近年新兴嘅食材，屋企通常用来煲汤，听闻好养生。冰镇过嘅淮山粒粒爽脆，系解腻嘅冷盘，配搭芝麻酱感觉似日式前菜。蒜片牛仔粒 $88份量唔算少，肉粒有肉汁唔会过熟。椒盐九肚鱼 $72炸得唔错，件件大小均称，粉浆唔会过厚而且唔算太油，外面脆卜卜内里保持软嫩。微微嘅辣特别惹味，向来比较抗拒炸物嘅我都食左好多件！如果下面垫底嘅米粉都系即炸就更好。烤北京填鸭 (半只) $238留意到厨师片走左部分脂肪层，唔知系咪因为咁嘅缘故烤鸭本身出奇地肥而不腻，加上桂花糖浆整体更加fresh。随鸭附送嘅饼皮薄身得黎唔会穿，正！桂花冰粉 $28口感似之系台湾食嘅爱玉，滑身爽口。冰冰凉凉，配搭甜度得宜嘅桂花蜜，绝对系夏天嘅消暑恩物！有选择困难症嘅朋友可以叫套餐，价钱仲实惠啲之余仲一样有得食北京填鸭添
青城山杏汁白肺汤 (一位) $62
杏仁味突出，饮得出好足料，香浓滋润。猪肺汤工序繁复，贵少少都抵，如果大碗啲就更满足！
胡麻鲜淮山 $52
新鲜淮山系近年新兴嘅食材，屋企通常用来煲汤，听闻好养生。冰镇过嘅淮山粒粒爽脆，系解腻嘅冷盘，配搭芝麻酱感觉似日式前菜。
蒜片牛仔粒 $88
份量唔算少，肉粒有肉汁唔会过熟。
椒盐九肚鱼 $72
炸得唔错，件件大小均称，粉浆唔会过厚而且唔算太油，外面脆卜卜内里保持软嫩。微微嘅辣特别惹味，向来比较抗拒炸物嘅我都食左好多件！如果下面垫底嘅米粉都系即炸就更好。
烤北京填鸭 (半只) $238
留意到厨师片走左部分脂肪层，唔知系咪因为咁嘅缘故烤鸭本身出奇地肥而不腻，加上桂花糖浆整体更加fresh。随鸭附送嘅饼皮薄身得黎唔会穿，正！
桂花冰粉 $28
口感似之系台湾食嘅爱玉，滑身爽口。冰冰凉凉，配搭甜度得宜嘅桂花蜜，绝对系夏天嘅消暑恩物！
有选择困难症嘅朋友可以叫套餐，价钱仲实惠啲之余仲一样有得食北京填鸭添！
张贴
