Agura Teppanyaki Robatayaki (已結業)

早排约朋友 Gathering，又想食日本野，所以拣左呢间日式铁板烧既餐厅试下。上到去见个侍应企响门口，好有礼貎咁招呼我地入去坐，地方虽然细，但系环境同气氛真系唔错，本人几钟意佢地既灯光调较到暗暗地，感觉宁静舒服，好好 FEEL，可以o系度静静地食下野，倾下偈，真系人生一大乐事！(过几日就系「情人节」，呢间餐厅应该系一个唔错既选择)食物方面 order 左牛油果带子沙律，刺身拼盘、烧银鳕鱼、铁板虾、蒜片牛肉、鹅肝酿鸡翼、烧南瓜、粟米、鸡软骨串 & 串烧等等... 好丰富呀！牛油果带子沙律 → 一个字「正」，用料丰富刺身拼盘 → 新鲜烧银鳕鱼 → 非常好味又唔腻鐡板虾 → D 虾劲大只烧粟米 → 菜式虽然普通 (但系当粟米加上牛油，味道真系你估唔到咁正)最后，值得一赞系侍应既服务态度真系好好，成日加茶，由于今次 order 左太多野食既关系，试唔到侍应既推介 (鸡泡鱼干、紫苏秋刀鱼) 所以迟下会约埋三五知己再帮衬过。