品越越式料理 (雅蘭中心) (已結業)

呢个汰弱留强嘅时势，点解仲有咁差嘅食店能够生存⁉️集团式经营就系有呢个毛病。午市套餐：猪扒拼鸡扒饭 $68卖相睇起嚟无问题，食落口就发现好有问题鸡扒同猪扒都炸到干争争，毫无肉汁，感觉系隔夜肉番炸，因为肉边已经好实好硬。白饭一啲都唔软熟香口，仲有啲硬嘅口感‼️伴饭嘅汁系甜豉油加水，一啲制作诚意都无。新鲜菜都费事煮，是是但但比啲凉拌酸萝卜同青瓜。如果呢个系即磨咖啡，只可以话佢啲咖啡豆好差劲，淡而无味‼️呢间集团式食店做食物好无诚意及心思，所以佢啲员工嘅服务态度同样毫无诚意，只懂在店内高谈阔论私人事件，骚扰客人进食‼️客人落单要叫几次先听到‼️